ذات صلة

قد يعجبك ايضاً

مدرسة للكلاب في الاردن تثير ضجة كبيرة

مدرسة للكلاب في الاردن للرياضة والتدريب والتزاوج تثير ضجة علي مواقع التواصل الاجتماعي العربي .

13 كلية طب بيطري مصرية يمكنها دخول المعادلة الأمريكية – تعرف عليهم

بعد انضمام جامعة بنها رسميا الي قائمة الكليات المصرية...

ادراج طب بيطري بنها في قائمة دخول المعادلة الأمريكية

اعلنت صفحة كلية الطب البيطري جامعة بنها أن الكلية تم إدراجها في إمكانية دخول المعادلة الأمريكية للعمل كطبيب بيطري في امريكا و كندا ، واستراليا ، وانجلترا.

الكلب رقم 410 وقصة اكتشاف علاج السكري المثيرة

قصة الكلب رقم 410 الذي كان سبب في اكتشاف علاج الانسلوين لمرضي السكر في العالم الحالي - قصة مثيرة

ملخص مجهود مديرية الطب البيطري بالإسكندرية 2022 بالارقام

بالارقام ننشر ملخص مجهودات مديرية الطب البيطري في الإسكندرية 2022 ودورها في مواجهة الأمراض البيطرية والصحة المشتركة

انتقادات كثيرة لنظام الساعات المعتمدة في بيطري الإسكندرية

- Advertisement -

مع قرب ظهور نتيجة الفصل الدراسي الثاني للفرق المختلفة بكليات الطب البيطري جامعة الاسكندرية ، ظهرت علي الطاولة انتقادات لنظام الساعات المعتمدة GPA.

شرح نظام الساعات المعتمدة GPA
انتقادات لنظام الساعات المعتمدة

الساعات المعتمدة GPA.

هي وحدة قياس وتقدير لدراسة مقرر أو نوع مقرر ، فمثلا الساعة المعتمدة الواحدة تكافئ ساعة نظرية ، أو ساعتين عملي أو اربع ساعات تدريب .

نظام التقدير.

نظام التقدير ارقام بين ١:٤ والصفر.

حيث التقدير كالتالي:

  • صفر في حالة الرسوب (حتي لو أحرزت درجات مثلا ٤٠ درجة من مائة ستحصل علي صفر).
  • ١ في حالة نص الدرجة تماماً.
  • ٢ في حالة (٦٥:٧٠٪) .
  • ٣ في حالة (٧٥:٨٠٪).
  • ٤ في حالة (أكثر من ٩٠٪).

وتظهر هلي شكل حروف إنجليزية مع رمزي + أو – حسب الصورة التالية .

صورة توضح درجات التقدير بالرموز في نظام الساعات المعتمدة GPA
صورة توضح درجات التقدير بالرموز في نظام الساعات المعتمدة GPA

المراقب والمرشد الأكاديمي وتغيير اللائحة.

هي ابرز المشكلات التي رصدتها فيت اليكس مع الطلاب ، وستضح في المنشور التالي.

وقد اقتبست صفحة فيت اليكس علي الفيسبوك هذا المنشور من احد موقع التواصل الاجتماعي فيس بوك ، ونشرته علي صفحتها كالتالي.

شرح نظام الساعات المعتمدة GPA باختصار شديد للطلبة التعساء الذين تم تطبيق النظام عليهم.

مميزات النظام :- لا يوجد مميزات

عيوب النظام :-

باختصار شديد للعيوب، هي أنها تكره الطالب اللي بيجيب مقبول في التقدير ، ويصل الكره الي حد الفصل!!

النجاح في كل المادة الواحدة من 50 % ولكن لازم يكون التقدير الفصلي و التراكمي اعلي من (65%:70) … 65% = 2 Gpa ؟

تخيل انك المفروض تجيب 70٪ عشان تحارب علي البقاء؟!

-لازم كل طالب يحصل علي معدل فصلي و تراكمي أعلي من 2 و لو المعدل الفصلي قل عن 2 يحصل الطالب علي إنذار و اربع إنذارات متتالية تؤدي الي فصل الطالب من الكلية (طلاب كتير معاهم اربع إنذارات حاليا ) .

ولو 6 إنذارات غير متتالية باخد فصل !

تخيل انك في اخر ترم ليك في الكلية وممكن تتفصل لو دي كان الانذار السادس ليك؟

-لو المعدل الفصلي اقل من 2 بداية من الفرقة الثانية

يسمح للطالب بتسجيل 12 ساعة فقط من اصلا 18 يعني الطالب هيتحرم من مادتين او تلاتة عن زملائه… يعني الطالب لو وقع في ترم واحد دا كفيل انه يخليه يتأخر سنة في احسن الظروف .

– المفروض من اول إنذار الطالب يأخده يبقي تحت المراقبة من قِبل المرشد الأكاديمي و يقدم له النصائح و يرتب له الدنيا عشان معدله يزيد عن 2 و يخرج من دائرة الإنذارات و تأجيل المواد و التأخر في التخرج .. لكن للأسف دور المرشد شبه ملغي و مانعرفش المرشدين اصلا و لو حد حاول يدور علي المرشد مش هيلاقيه و لا هيعرف مواعيده ولا حتي هيعرفه يعني ايه GPA !.

-نيجي بقي للمصاريف … مصاريف سنة تانية السنة دي 2058 .. قفزة جامدة في المصاريف .. سعر ساعة الرسوب 300 بعد ما كانت 200

اصلا اغلب مواد السمر بيبقي الطالب اول مرة يسجلها مش شايلها و كمان السمر لازم ندفع الفلوس و إلا يلغوا التسجيل . يعني الطالب يسرق عشان يتعلم و لا يعمل ايه .!

لو طالب هيسجل 8 ساعات في السمر بدل ما كان 1600 بقي 2400

الكلية مش بيهمها اي ظروف مادية للطلبة اللي أغلبهم بيشتغلوا اصلا عشان يصرفوا علي نفسهم و كل شويه قرارات غريبة عجيبة من ناحية المصاريف و السمر .

وفي نفس الوقت اللي الجامعة مطلعه قرار بمنع الكتب الورقية وإضافة الكتب الالكترونية ، ودفع ثمنها في المصاريف ، نتفاجأ اننا مطالبين ندفع فلوس المصاريف الغالية ، وثمن الكتب الورقية برضه !

والغريب والعجيب أن الطالب يصبح مضطر في الصيف للدراسة للمواد اللي وقعت منه أو عايز يحسنها عشان يخرج من الهاف لود ، والنتيجة ايه ؟ متخيل رفض دكاترة الاقسام دخول البرنامج الصيفي (عشان عايزين يصيفو) يعني الدكاترة تجيب امتحانات صعبة جدا عشان الدفعة تسقط أو تصبح هاف لود ويرفض سيادته الشرح في الصيف بدون سبب واضح .

يعني انت ممكن تقف علي مادة من الفرقة الخامسة الترم التاني وتتاخر عن التخرج هام كامل بسبب أن الدكتور رفض يفتح المادة في الصيف.

ولما نفتح فكرة أن اللائحة المفروض تتغير وتصبح مثل صيدلة (الهاف لود من 1) يقول ماينفعش نغير في اللائحة في نفس الوقت يتم تغيير نفس اللائحة للسماح للمواد الاختيارية بأن يكون ليها امتحان عملي وشفوي وميدترم بالرغم من اللائحة بتقول امتحان واحد فاينل فقط ؟

فهل هذا يجوز؟

دلوقت عايزين المصاريف تنخفض و ترجع سعر الساعة 200 … لان المفروض ندخل الكلية بلائحة و نتخرج بنفس اللائحة مش كل شويه تغيرات فيها و المفروض المصاريف ثابتة مش كل ما البنزين يزيد مصاريف الكلية تزيد .

واكرر علي النقطة المحورية وهي أن الطالب لم يخبره أحد بما هو نظام GPA وتُرك وحيداً ، ليتفاجا بعدها بأنه عليه انذارين وخاف لود ودكاترة لا تقدر ذلك بل تتعمد امتحانات مستحيلة وتعجيزية للمساهمة في هذا الظلم البين.

صفحة فيت اليكس علي الفيسبوك.

شاركنا الرأي ، هل تريد المنشور مناسب ويعبر عن الحالة الحقيقية لنظام الساعات المعتمدة GPA أم أن للنظام منافع تغلب علي مساويه ، شارك رايك في تعليق.

لتحميل لائحة كلية الطب البيطري جامعة الاسكندرية اضغط هنا.

المصدر ، للمزيد من الأخبار البيطرية .

  • العلامات
  • GPA
VET-ALEX.COM
VET-ALEX.COMhttps://www.vet-alex.com
المقالات المكتوبة علي موقع فيت اليكس بواسطة فريق التحرير الخاص بالموقع